U Working President ka United Democratic Party (UDP ) u Bah Paul lyngdoh haba kren sha ki lad pathai khubor ha ka 9 tarik Jymmang 2025 haba iadei bad ka All Party Komiti halor ka lynti rel u la ong ba um tip na kaei ka daw ba ka Congress bad ka VPP ki kyntait ban iadon bynta ha ka All Party komiti halor ka lynti rel.
U la ong kane ka dei ka mat ba kongsan kaba ki dei ban iakren na ka por sha ka por namar ka All Party Komiti ka long kaba donkam namar shibun ki mat ki lah ban pynsngew ha kane ka komiti.
U la bynrap da kaba ong ba lada ka long kumne ka jingtrei shitom kan nym poi shaei shaei ruh.