Ka India bad Pakistan ka la rai kyrkieh ban sangeh noh ia ka jingiaumsnam da kaba pyndonkam ia ki ‘Namding kiba la pynkut ia katto katne ki jingim jong ki shipai kiba don ha ki khappud Jammu & Kashmir. Katkum ka kaiphod, ha kane ka jingiakynad, la don ruh ki ‘riew paidbah kiba la khlad na ka jingthurmur ha ka rukom pynher ia ki namding.
Ia kane ka thma ha khappud, la rai ban pynsangeh noh mar mar naduh ka 5 baje janmiet (10.5.2025) hadien ba u President ka United States Donald Trump u la shimkhia ban korbar da kaba ai jingmut ruh ban iakren iasuk. “Hadien bun kynta ka jingiakren shimiet shimiet da ka United States, nga sngewbha ban pyntip ba ka India bad ka Pakistan ki la mynjur ban sangeh ban pynher nam ding. Nga ai khublei ia kine ki Ri kiba la pyndonkam ia ka jingstad bad ka jingshemphang jong ki” pynpaw u Trump lyngba ki rynsan Social Media.
Ia kane ka khubor, la pyntikna da u Vikram Misri, Foreign Secretary lyngba ka tnad Indian Ministry of External Affairs (MEA).Ka India bad Pakistan ka la bthah ruh sha baroh ki bor ba dei khmih ba kane ka hukum kan treikam ha baroh ki jaka da kaba pyntikna ruh ba kan ym jia ha khappud.