U Symbud Myntri Rangbah ka jylla, Bah Prestone Tynsong hynne ka sngi u la pynshai bad pynthikna ba ka Sorkar Jylla ka la shim ia ka jingkitkhlieh bad ka jingtreikam kaba sted na ka bynta ban ïakhun ia ka jingioh rung pathar bad be-aiñ ki mynder Ri khamtam na Bangladesh.
Ha kaba iadei bad kane ka mat, u Symbud Myntri Rangbah u la iathuh ba la pyntip ruh mar mar sha baroh ki Deputy Commissioner bad ki District Administrative ba kin phah ia ki kaiphod ba thikna lada don kano kano ka jingtip shaphang ka jingialeh pyrshah halor kane ka aiñ. Nalor kata, u la pynthikna ba la don ruh ki bor pulit na ka bynta ban ai ia ka jingiada ba paka bad ban pynthikna ba kan ym don kano kano ka jingioh rung tuh na kano kano ka jaka.
“Ngi la ai ia ka jingbthah sha baroh ki bor distrik ba kin shimkhia lada don kano kano ka khubor halor kane bad lada lap ngin kem beit mar mar” ong u Bah Prestone.