Ki kompeni die umphniang hapoh ka jingpeit jong ka Oil Marketing Companies (OMCs) kila pynbeit ban ai jingtip ne pynkylla ia ka dor jong ka umphniang Petrol bad ka Diesel man ka sngi ha ka por 6 baje mynstep.
Ka khubor ka iathuh ba kane ka jingkylla ha ka dor la pynshong nongrim na ka dor ka mur jong ka umphniang bym pat dep pynkhuid (Crude Oil) ha ka pyrthei bad ruh na ka dor jong ka jingkylla pisa (Exchange rate).
Ka OMCs ka iathuh ba kine ki jingpynkylla man ka por kin ai jingthip ba thikna bad ka jingshai ba ki ai sha ki nongthied shaphang ka dor jong ka umphniang.
Ha India, ka dor jong ka umphniang ka la neh kumjuh naduh u bnai Jymmang 2022, hadien ba ka sorkar pdeng bad ki sorkar jylla bapher bapher ki la pynduna ia ka khajna umphniang.