Ka jingjia shah thang ki truck jong ka Star Cement kaba la jia ha ka 18 tarik Jymmang ha ka phyllaw jong ka Star Cement ha ki paidbhur ki bym shim la ithuh. Hadien kane ka jingjia katei ka jaka kam pat long shngain ia ki Driver jong ka company Star Cement.
Ka jing shah thang ki truck jong ka Company Star Cement ka dei halor ka jingshah ïuh kali uwei u khynnah samla jong ka shnong Lumshnong bad u la khlad noh ha shen.
Ha katei ka miet ka la don ka jingiakynad kaba jur bha ha kaba u paidbhur u la mih ban kawang maw bad thang ia ki truck.
Ki truck kiba shah thang ki don haduh 16 tylli bad ki truck kiba la shah pynjurlor haduh 26 tylli.
Haba ioh ban iakren bad ki Driver truck katei ka company ki la iathuh ba haduh mynta ka ka jingiaid lynti jong ki ka dang don hapdeng ka jingsyier namar ha ka por mynmiet ki don beit ki paidbah kiba kawang maw ia ki bad lada jia ei ei ruh ki hap ban sei hi na pla lajong ia ka jingshna.
Ki la pynpaw ka jingshah kawang maw ka dei beit tang ia ki truck jong ka Company Star Cement katba ia ki truck ki bym dei jong ka Star Cement kim ju pynthud.
Haba ioh ban iakren bad u SP ka East Jaintia Hill U Giri Prasad u la ong ki bor pulit ki dang pynlong ia ka jingtohkit halor kane ka jingjia bad ka jingtohkit ka dang iaid shakhmat ban lap ia ki briew ba donkti. U la pynpaw ruh ba ka jingialang ka la dep pynlong hapdeng ki bor pyniaid District bad ka shnong Lumshnong bad na ka liang ki bor pyniaid District ki kwah ban wanrah ia ka jingshongsuk shonshngaiñ bad ka katkum ka jinglong jingman mynta ka la long shngaiñ.
