Ka War Jaiñtia Students’ Union (WJSU) sengkmie mynta ka sngi 2 tarik u Jylliew kala leit ban ai dorkhas sha u First Appellate Authority (FAA) Oo ka Directorate of Sports and Youth Affairs jongka sorkar jylla, halor ka jingbym lah jong u PIO Oo, Chief Engineer, State Sports Council Meghalaya, Shillong ban ai jingpynshai ïa ka RTI application bala ai da ka seng haka 16 u Ïaïong, 2025 bad kane ka RTI ba la fille sha u PIO, Oo Chief Engineer, State Sports Council ka lah kut haka 15 u Jymmang 2025.
Na ka liang ka seng kan ap haduh 15 sngi naduh ba submit ïa ka complaint ha u First Appellate Authority katkum ka RTI Act 2005 bad lada u/ka Appellate Authority kim lah ban ai ka jingtip kumba la pan, ka seng kan sa khot ïaka Emergency CEC ban shim ïa ka rai ban leitkhang ïa katei ka Artificial Turf ha Amlarem. Kane ka jingbym lah u PIO ka Sports Department ban ai jingtip ka paw shai kdar ba ka don kaei re kaei ka jyrwit jyrwat shalyndet. Ka seng ka trei bor bah ban kyntiew ïaka Sports hapoh ka thaiñ bad da lei lei kan nym shong klikti ïa ka lawei ki khun samla ka thaiñ. Kane ka longkatkum ka kyrwoh bala phah da u Publicity Secretary ka WJSU Central body Amlarem samla Gabriel Shylla.
