U Myntri Rangbah ka Jylla Conrad K Sangma hynne ka sngi u la pynbna ba ka kynhun myntri ka la mynjur ban pynheh ia ka lad liengsuin ha Shillong Umroi Airport.
Haba kren sha ki lad pathai khubor u Myntri Rangbah ka jylla u Conrad ka Sangma hadien ba la wai ka jingialang kynhun myntri u la pyntip ba ka sorkar ka la mynjur ban thied jaka kumba 11.75 akar na ka bynta ban pynheh shuh shuh ia ka lad liengsuin ha Shillong Umroi Airport.
Haba iadei bad kane na ka liang u Myntri Rangbah u la ong ba yn thaw da ka komiti ha kaba yn khlieh da u Deputy Commissioner ban iakren bad ki trai jaka na ka bynta ka jaka ban pynheh ia ka lad liengsuin ha Umroi Airport.
