Ka ophis jong u Deputy Commissioner jong ka West Jaintia Hills District u Abhinav Kumar Singh, IAS, ki ophisar bad ki nongtrei jong u kum shi bynta na ka jingrakhe ia ka sngi pynneh pynsah mariang, mynta ka sngi kila iashim bynta ban rakhe ia kane ka sngi da kaba pynlong ia ka prokram thung dieng ha ki bynta jong ka Syntuksiar, Jowai.
Ia kane ka jingthung dieng la thung ha shilynter naduh Mot sahnam u Kiang Nangbah haduh jingkieng doi-doi (jingkiengnar) ka surok ba leit na Jowai sha shnong Chyrmang.
Ha kane ka jingthung dieng ki nongtrei jong ka DC ophis kila iashim bynta shongshit ha kaba pynneh pynsah ia ka mei ram-ew.
