U Bah A.L. Hek MLA ka BJP hynne ka sngi ka 6 tarik Jylliew haba kren bad ki lad pathai khubor halor ka jingdawa CBI halor ka jingjia ia ki 2 ngut ki nongjngohkai Pyrthei na Indore Madhya Pradesh. U la ong donkam ban phah sha ka CBI Enquiry ia kino kino ki jingjia ne ki jingeh. Na ka liang ka Sorkar lyngba u Myntri Rangbah ka Jylla u la phah da ka shithi na ka bynta ka CBI Enquiry halor kane ka jingjia ia ki shikurim na Indore Madhya Pradesh.
Shuh shuh u la ong ba na ka liang ka sorkar ba dei na ka liang ka administration ki la leh katba lah na ka bynta ban wad ia ki shikurim na Indore Madhya Pradesh kiba la jahrngai ha sohra.
U la bynrap naduh ki Hima, ki Samla jong ka shnong Sohra baroh ki la trei shitom ban wad ia ki Shijur na Indore.
U la pynpaw ba kaba sngewsih ka long ba ki don katto katne ki National Media kiba pynbudnam ia ka jylla Meghalaya kane keiñ kaba sngewsih palat kaba ym lah ban pdiang ia ka jingkren jong ki.
Shuh shuh u bah Hek u la ong ba ki thoh ha ka ïing jong u Raja Raghuvanshi da ka kyntien ba ong” u khlem iap hynrei u la shah pyniap” Kane ka dei kaba bakla namar na na liang ka Administration ki Pulit ki la leh ia ka jong ka bynta ban wad ia ka jingshisha. U la ong ban shu kynnoh ba baroh ki nong Meghalaya ki dei ki nongpyniap briew ki dei ki briew ba sniew ka long kaba bakla bad ia kata ym lah ban pdiang lano lano ruh namar da ki hajar ki nongwan jngohkai pyrthei ki wan sha jylla Meghalaya bad kam ju don kano kano ka jingjia ba kum kane ka don katto katne ka jingjia kaba lah ban bakla hi dalade bad ban kynnoh ia ki nong Meghalaya ka long kaba bakla bad ngi pynrem jur halor kane ka jingkynnoh.
Khatduh u la ong ia ka Madhya Pradesh ba ki nong Meghalaya kim pyrshah ia ki nongwan jngoh kai bad ki nong Meghalaya ki pdiang sngewbha ia baroh ki nongwan jngohkai pyrthei kiba wan sha Meghalaya ban kynnoh ba ki nong Meghalaya ki dei ki briew ba sniew ngim lah ban pdiang lano lano ruh pynkut u bah AL Hek.