Ka Sonam Raghuvanshi ka la wan pyndem noh ialalde hakhmat ki Pulit ka Uttar Pradesh hadien ba ka la donkti ban pyniap ia u Raja Raghuvanshi uba dei u kurim jong ka.
Ki Pulit ka jylla Meghalaya ki la kem noh ia 3ngut kiba donkti ha kane ka kam ba kynthup uwei na Uttar Pradesh bad 2 ngut na Indore Madhya Pradesh bad ki dang wad mynta ban kem sa ia uwei uba donkti lang ha kane ka kam.
Kum ban shu pynkynmaw u Raja Raghuvanshi bad ka Sonam Raghuvanshi ki dei shi kurim na indore kiba la wan kai sha Sohra ha ka 22 tarik bad ha ka 23 tarik ki la jah rngai noh bad hadien ka 2 tarik u Jylliew ki Pulit ki la lap noh ia ka met ïap u Raja Raghuvanshi na riat arliang hajan ka kshaid Wei sawdong.
Hadien ka jinglap ia ka metiap u Raja Raghuvanshi ki Pulit bad ka kynhun Ka NDRF, SDRF ki la pynlong ia ka jingwad ia ka Sonam bad dei ha ka step jong ka 9 tarik Jylliew ki pulit ka jylla ki la sangeh noh ban wad ia ka Sonam Raghuvanshi hadien ba la ioh khubor ba ka Sonam Raghuvanshi ka dang im bad ka la wan aiti ialade hakhmat ki Pulit ka Uttar Pradesh bad ki Pulit ka jylla ki la kem noh ia 3 ngut kiba donkti ha kane ka kam bad sa u wei ki Pulit ki dang wad ban kem halor ka jingdonkti ban pyniap ia u Raja Raghuvanshi.