Ka lympung ïalehkai phutbol ki khynnah skul kaba la tip kum ka ‘District Level Inter School Subroto Mukherjee Cup Football Tournament 2025’ bala pynïaid da ka ophis u District Sports Officer West Jaiñtia Hills District, kaba la long mynta ka sngi 9 tarik u Jylliew ha Jowai haki ar tylli ki madan kata ha Kiang Nangbah Stadium, Dongmihsngi, Jowai.
Haba phai sha ka jingïakhun Under-17 (Girls) ka Kiang Nangbah H/S School kala jop da 3-0 kol ïa ka Krist Syiem Secondary School. Ka Ummulong Presbyterian H/S School kala jop da ka jingïashut Tie Breaker da 2-1 kol ïa ka Police Public Secondary School. Ka H.K Singh Memorial Secondary School kala jop da 2-0 kol ïaka St. Dominic H/S School. Katba ka North Liberty H/S School Jowai kala jop da 6-0 kol ïa ka Jaiñtia H/S School.
Ha kawei na ki jingïakhun jong ka kyrdan Under-15 (boys) ka St. Dominic H/S School kala jop da 1-0 kol ïa ka Marian Hill H/S School
Ka jingïakhun kan bteng biang lashai ka sngi 10 tarik ha madan Kiang Nangbah Stadium, Dongmihsngi, Jowai lai tylli haka kyrdan Under-15 (Boys) bad ar tylli ki jingïakhun haka Under-17 (boys).