Ban kyntiew kam jngohkai pyrthei, 273.41 akar shim wai jaka ka tnad jngohkai na ka MeECL

U Myntri Sorkar jylla u Bah Paul Lyngdoh mynta ka sngi ka 13 tarik jylliew haba kren sha ki lad pathai khubor u la pyntip ba ka kynhun myntri lyngba ka tnad MeECL ka la mynjur ban ai wai ia ka jaka sha ka tnad kam jngoh kai pyrthei ban kyntiew shuh shuh ia ki kam jngohkai hapoh ka jylla.
Ka jaka ba ka tnad MeECL kan ai wai sha ka tnad kam jngoh kai kan poi kumba 273.41 akar bad ia kane ka jaka jong ka tnad MeECL ka tnad kam jngohkai pyrthei kan shim wai haduh 60 snem pyntip u bah Paul Lyngdoh.