Ai khublei ka Sorkar ia ka baroh kiba la iashim bynta ban wad ia u nong jngohkai pyrthei ha Sohra

U Myntri Sorkar Jylla ba peit ia ka tnad kam jngohkai u Bah Paul Lyngdoh hynne ka sngi ka 13 tarik Jylliew haba kren sha ki lad pathai khubor hadien ba la wai ka kynhun Myntri u la ong ka Sorkar ka ai khublei ia ka tnad Pulit ka jylla haba iadei bad ka jingjia ha Sohra ha kaba ki Pulit ki la ioh ban kem noh ia kiba pyniap ia u Raja Raghuvanshi bad kumjuh ka Sorkar ka ai khublei ia baroh kiba la don bynta lang ha ban wad ia ki 2 ngut ki nongwan jngohkai na Indore Madhya Pradesh ha Sohra.
Shuh shuh u la pyntip ka sorkar kan sa kynduh ruh ia ka tnad Pulit naduh ka DGP ka tnad Pulit East Khasi Hills ban pynkup burom ia baroh kiba ia shim bynta ban lap ksai ia ka case haba iadei bad ka jingjia ha Sohra.