Ka Khasi Students’ Union (KSU) Nartiang Circle, kum shibynta ban pynshlur ïa ki khun samla kiba hap hapoh ka thaiñ naduh Nartiang shaduh Khanduli West Jaiñtia Hills, kan sa pynlong ïa ka 3rd Maitshaphrang Academic Award 2025.
Kane ka jingsam khusnam sha ki khun samla kiba pass bha haki eksamin bapher bapher kan kynthup naduh ka SSLC, HSSLC, Post Graduate, Graduate bad kumjuh ïa ki Sport Person kiba ithuh da ka sorkar jylla.
Kiba lah ban ïoh ïa kane ka khusnam ki dei ban kynjoh ïa kine ki percentage, ha ka SSLC 70 %, HSSLC – 65%, Graduate- 60% bad Post Graduate – 60%.
Kumta ka KSU Nartiang Circle ka khot bad wer ïa ki samla pule ka thaiñ ban shim bynta da kaba ai kopi lane phah ïa kot ba donkam ha ki WhatsApp Number ïa ka tarik ba khatduh ban pynpoi kan dei ha ka 10th July, 2025.
Ïa ki jingtip ba bniah lah ban phone ne WhatsApp ha kine ki Number 70058 88195 President, 70058 13698 Education Secretary bad 9366164518 General Secretary.
