U SP ka East Khasi Hills u Bah Vivek Syiem mynta ka sngi ka 17 tarik Jylliew haba iakren bad ki nongthoh khubor u la pyntip ki Pulit ki la ialam ia kine baroh 4 ngut da kaba sdang shwa na Wahlakhiat bad ter ter shaduh da poi sha jaka ba pyniap ia u Raja Raghuvanshi ha Parking Lot Weisawdong.
U SP ka East Khasi Hills u la ong ba na ka liang ka Sonam bad ki 3 ngut kiba kynthup ia u Vishal Chauhan, Anand Kurmi, bad u Akash Rajput ki la phla ba ki la bret kawei ka wait ha kane ka jaka ha ka por ba ki la dep ban pyniap ia u Raja Raghuvanshi bad ki pulit ka kynhun SDRF ki la leit ban wad ia ka wait ba ki la lap shisha ia ka wait tang katto katne por.
Haba iadei bad ka jingpyniap ia u Raja Raghuvanshi kine baroh 4 ngut ki la phla ba ka Sonam ka ieng hakhmat, u Raja hadien sha kadiang u Raja u don u Anand Kurmi bad sha ka mon jong u Raja don u Vishal Chauhan, bad hadien jong u Raja don u Akash Rajput.
Na ka liang kine ki 4 ngut ki la phla ha ka por ba leh reconstruction crime Scene ki la pyntip ba ha ka por ba ki pyniap ia u Raja Raghuvanshi u Vishal Chauhan u sdang nyngkong ban pom da ka wait bad u Anand Kurmi u khlem da ioh pom bha na tyrpeng bad na ryndang hynrei bud sa u Akash Rajput bad kine baroh 3 ngut ki la bret ia ka met sha riat bad ka sonam ka wan phet shadien ha ka por ba lyniar u Raja bad hadien ba la dep bret ia ka met u Raja Sha riat, ka Sonam ka pynpait ia ka mobile jong u Raja bad u Akash u ot ia u battery Mobile jong u Raja bad ia ka sopti ba lieh ba lap na ka met u Raja dei jong u Akash Rajput mar sien dep bret ia ka met u Raja Raghuvanshi u Akash u bret ia ka sopti ba lieh jong u sha riat.
Haba iadei bad ki jingdeng ksiar ki Pulit ki la leit biang sha Indore ban tohkit ia ka ïing ba sah ka Sonam bad u la pyntip ba ha ka ïing ba phetrieh ka Sonam kim shim lap ei ei bad ki pulit ki dang pynlong ia ka jingtohkit ki suba ba ki lah ban rah ki briew na Indore ia ki ksiar bad ia ka mobile phone pyntip u SP East Khasi Hills.
Haba iadei bad ka jingpan por shuh shuh ia kine ki 5 ngut ban tohkit na ka liang u SP u la pyntip ba kin dang pan por biang ban tohkit shuh shuh halor ka jingshah pyniap u Raja Raghuvanshi.
(Kane ka dei ka jaka ba la bret ia ka met u Raja Raghuvanshi)