Ka Kynhun tohkit (Special investigation Team) jong ki Pulit ka jylla Meghalaya mynta ka sngi ka 19 tarik Jylliew kila wan ialam ia ka Sonam bad 4 ngut ki paralok shah ïing Kashari hadien 8 sngi ka jingtohkit ba ki la ioh na ka ïingbishar ka la kut noh.
Haba iadei bad kane ka jingjia ka ïing Kashari mynta ka sngi ka 19 tarik ka la ailad biang ia ki Pulit ban tohkit biang sa 2 sngi ia ka Sonam Raghuvanshi bad u Raj Khushwaha, katba ia kiwei pat ki lai ngut ba kynthup ia u Akash Rajput, Anand Kurmi bad u Vishal Chauhan la phah noh sha Judicial Custody na ka bynta 14 sngi.
Kum ban shu pynkymaw kane ka jingshah kem jong ka Sonam bad 4 ngut ki Paralok ka dei hadien ba u Raja Raghuvanshi u nongjngoh kai pyrthei na Indore u la shah pyniap ha Sohra bad ki Pulit ki la kem noh ia ka sonam bad 4 ngut ki paralok kiba suba donkti ban pyniap ia u Raja Raghuvanshi.
