Ki Pulit ka kynhun (Special Investigation Team) mynta ka sngi ka 21 tarik Jylliew ki la wanrah biang ia ka Sonam Raghuvanshi bad u Raj Khushwaha sha Ïingbishar Kashari hadien 2 sngi ba la kut ka Police Custody. Ha kane ka sngi ka Ïingbishar ka la shim rai ban phah 13 sngi sha Judicial Custody ia ka Sonam Raghuvanshi bad u Raj Khuswaha kiba suba donkti ban pyniap ia u Raja Raghuvanshi ha Sohra.
Kum ban shu pynkynmaw na ka liang ka Ïingbishar ha kine ki khyndiat sngi ka la ai por shwa 8 sngi ia ki Pulit ban tohkit ia ka Sonam bad 4 ngut ki paralok. Hadien ba ki 8 sngi ki la kut noh, ki Pulit ki la wanrah biang ia ka Sonam bad 4 ngut ki paralok sha īingbishar, ka Ïingbishar ka la ai por biang sa 2 sngi ia ki pulit ban tohkit ia ka Sonam bad u Raj bad ia u Anand, Akash bad u Vishal ka la phah sha ka Judicial Custody na ka bynta tohkit 14 sngi.
