Ka East Jaintia National Council (EJNC) mynta ka sngi hapoh ka jingialam jong u Bah Sambormi Lyngdoh, President bad u Bah Nangjan Dkhar, Genl Secretary, kila hiar shaka shnong Sonapur, ban jurip ia ka jingjulor jong katei ka jingkieng kaba don halor jong ka wah Lukha ha Sonapur.
Ha ka jingjurip ka Seng kala sakhi ia ki jingjulor bad ia ka jingorpait jong katei ka jingkieng kaba lah ban buh ia ka jingma kaba khraw ia ki nongleit nongwan lyngba katei ka Jingkieng. Ka jingbun jong ki Truck, ki Dumper kiba kit palat pud (Overload) kiba iaid lyngba katei ka jingkieng kala buh jingma shuh shuh ia katei ka jingkieng.
Halor kane ka Nongrim ka EJNC ka kyntu ia u Deputy Chief Minister u ba dei ruh u Myntri ka Tnad PWD Bah Prestone Tyngsong ban pynsangeh shwa ia ka jing iaid jong ki Truck, ki Dumper kiba kit Palat ia ka 9 lane 12 ton lyngba katei ka jingkieñg katba ka NHAI kampat dep ban maramot ia ka jingjulor jong katei ka Jingkieñg khnang ban lait na kano kano ka jingjia ba sngewsih.
