I Deputy Commissioner (Supply), East Khasi Hills District i la pyntip ba ia u khaw NFSA (AAY bad PHH) bad Non-NFSA bad ia u Atta jong u Jylliew 2025 la sdang ban pyllait sha baroh ki dukan sam rashon.
Ka bhah jong u khaw AAY ka long 35 kilo shi card bad PHH ha ka jingthew kaba 5 kilo shikhlieh khlem siewdor. Ia u khaw Non-NFSA yn sam ha ka jingioh kaba 7.105 kilo shi iing ha ka dor T. 12.70/- haduh T. 13.00/- shi kilo.
Ia u atta yn sam 5 kilo ha sor bad 3 kilo shi card ha nongkyndong ha ka dor T. 10.50/- shi kilo.
La bthah ia baroh ki nongsam rashon ban sam noh mardor sha baroh ki nongioh bynta bad ban wah ia ki kyrteng jong ki nongioh bynta bad ka por ban sam ia ki marbam ha ki dukan jong ki.
Lada don kino kino ki nongsam rashon ki bym sam, lane sam palat ia ka dor ba la buh lane ai duna ia ka bhah lane ai da ki marbam bym biang, dei ban pyntip sha ka ophis i Deputy Commissioner (Supply), East Khasi Hills District, Shillong.
