Ka Synjuk Waheh Shnong Ri Jaiñtia lyngba ka kyrwoh ba la pyllait da u D.S. War Vice President Synjuk Waheh Shnong Ri Jaiñtia mynta ka sngi ki la leit sha shnong Lapangap bad ki lap shisha ïaka jingleh donbor jing ka sorkar Assam haki thaiñ bordar.
Ha ka jinglap ka Synjuk dalade mynta ka sngi ba Karbi Anglong Autonomous Council ka thung dieng be-aiñ haka jaka kaba dang hap hapoh u pud u sam jong ka shnong Lapangap.
Kumta ka Synjuk Waheh Shnong Ri Jaiñtia ka kyntu ïaka Sorkar MDA 2 ban pyn kloi ban pynbeit ïa u pud u sam khnang ban lait naka jinghuri hura lada kane ka jingshah thombor bad shah ñiew beiñ jong ki shnong Pnar kiba don ha khapud ki dang ïai jia kumne shi kumne ka lah ban wan rah ïaka jingïa umsnam lashai la shi sngi.
Haka juh ka por ka Synjuk Waheh Shnong Ri Jaiñtia ka ai khublei ïaka Elaka Shilliang Myntang bad kumjuh ïaki kynhun sengbhalang bapher bapher baroh kiba wan ban ïa shim bynta mynta ka sngi bad ïaka Dorbar Shnong Lapangap hi baroh kawei kiba la mih shitrhem naka bynta ban ïada ïa u pud u ang jong ka shnong.
