[Photo credit: TI]
U wei u samla ba dang pule Engineer ha ka lain Chemical Engineering ha Jawaharlal Nehru Engineering College (JNEC), MGM University, ia uba la tip kyrteng kum u Kanak Talware, u la lap ia ka buit thymmai ban pynmih ia ka kynja umphniang na u Pai.
La iathuh ba kane ka umphniang kaba pynmih na u Pai la tip kum ka bioethanol kaba lah ban pyndonkam ban pyniaid ia ki kali motor ne lah ban khot ia kum ka Green Energy. Ka jinglap ia kane ka jait umphniang na u Pai kan iarap shibun ban pynduna ia ka jingpyndonkam ia ka umphniang Petrol lane Diesel (Fossil fuels).
Ia kane ka jingwad bniah haduh mynta u samla Kanak u dang iatreilang bad ki riewshemphang ba kynthup ia u Dr Ravindra Gaikwad bad Akash Vani na MGM University, kumjuh bad u Dr Annasaheb Varade bad Ravindra Nibe na Pravara Rural Engineering College, Loni.
Kane ka kynhun kala ioh ruh ka jingkyrshan lang na ka sorkar India ban pynurlong ia kane ka jingwadbniah jong ki.
