U Symbud Myntri Rangbah ka jylla u Bah Prestone Tynsong mynta ka sngi haba kren sha ki lad pathai khubor haba iadei bad ka inter state border ne ki kam Khappud u la ong ka jinglong jingman ka don hapdeng ka shongsuk shong saiñ bad lada phai halor ka Lapangap ka sorkar ka la bthah ia ki bor District bad ia u SP bad la thaw ia kawei ka jaka sah ha kaba kumba 30 ngut ki pulit ki don ha katei ka jaka ban teh lakam ia ka jinglong jingman. U la pynpaw bbad kyrmen ba ka long ka man ka la kham biang haduh mynta mynne.
U la ong ruh ba u Myntri Rangbah u la ia kren bad u Myntri Rangbah ka jylla Assam haba iadei bad kane ka bynta, khnang ba ki ar liang manla kin tip ban ai ka jingiada ia ki nongshong shnong jong kitei ki bynta khappud.
