Ka seng JSU Mih Myntdu Unit hapoh ka jingialam u President jong ka u samla Generous Suchiang ka la ioh ban noh jingiarap da ki tin sop ïing iaka wei ka longïing kaba duk kaba shong shnong ha Mih Myntdu. Ka seng ha dien ba ka ioh jingtip ba u kpa kane ka ïing u shem jingeh ban pynshna pyndep ia la ka ïing kaba rit tang ban ioh rieh slap ryngkat bad 4 ngut ki khun barit ba ka kmie ka ïing ka seng ka lah noh jingiarap katba ioh ei la ka bor kaba rit ban synniang sha u ne u kpa ka ïing ba un nang ioh bor ban trei pyndep ia ka ïing sah jong u.
U samla Generous u lah iathuh ruh ba une u kpa ka ïing u la shna hi marwei ia kane ka ing khlem ka jingiarap na kiwei ne ai nong sha kiwei namar ka jingkyrduh bad une u kpa ka ïing u lah pynlut ia ka por mynstep bad mynmiet ynda u lah wan bylla misteri na wei ba u la shna hi marwei suki suki ban ioh pyndep ia kane ka ïing sah shuwa ba u slap lyuir un wan.
Ka seng ka kyntu ruh ia kiwei kiba don mynsiem ban noh jingiarap lem sha kum kine longïing jong ki paradoh parasnam ban kiew lang ka jaitbynriew ha ka imlang ka sahlang.