Mynta ka sngi ka Bosco Pnar Multipurpose Vocational Training Centre, Mihmyntdu, Saliny Colony, Jowai kala ioh ban pynlong ia ka prokram ban sdangnoh ia ka jingai jinghikai ha ki kam shna lait ne ka Executive Course on Electrical Appliances kaba dei ka wat kaba 5 jong kane ka prokram.
Ha kane ka prokram shah hikai la wan ban iashim bynta da ki samla na East bad West Jaintia Hills District.
Ha kKane ka training kaba 15 sngi ki nongshah hikai kin ioh jinghikai halor kumno ban pynbha shuh ia ka sap bad ka jingtip halor ka kam shna lait.
Haba ai jingkren ha kane ka sngi u Phadar Francisco Dhar uba dei u Director ka Bosco Pnar, ula ai mynsiem ia baroh kiba shah hikai bad kyntu ia ki ban long kiba minot ha kane ka kam kaba ki la jied. U Phadar ula ong ba ki nongshah hikai ki long kiba donbok ban ioh ia kane ka jinghikai bad hadien bala pyndep ia ka jingshah hikai kin sa ioh ruh ia ka Certificate kaba pynmyntoi ia ka lawei jong ki.
Na ka liang jong u ma S. Pala uba dei u Functional Manager ka DCIC Khliehriat bad u ma Eborki Pyrbot, Functional Manager DCIC ka Jowai ruh kila iadon lang ha kane ka prokram bad kila kyntu ia baroh ki nongshah hikai bad long kiba pynleit jingmut bad lehbha ha kane ka training.
