Halor ka jingud jong ki nongialam shnong ki ba don ha poh ka Elaka Labang Nongphyllut (Block 1) ba ki la shem shitom ha ka liang ka jingbym ioh ia ki epic, adhar card, birth certificate bad kiwei kiwei ki kot ki sla ba donkam namar ka jingbym ithuh da ka sorkar ia ki tei ki shnong kiba don haduh 36 tylli kiba hap hapoh ka Block 1 kala pynshitom jingmut ia kitei ki briew Khasi Pnar kiba sah ha katei ka jaka haduh ba wat ki khynnah pule ki hap ban pep skul noh ha shiteng tang namar ba kim ioh ia ki kot ki sla ba don kam.
Kum ban shu pynkynmaw ba na ka liang ka office jong ka JHADC ka la dep ban ai sanat ha ka 16/Aug/2023 ia ki tei ki shnong tang ba ka pynlyngngoh ba haduh mynta mynne na ka liang ka sorkar jylla kam shym la ithuh satia ne don kyrteng ki tei ki shnong hapoh u pud u sam jong ka jylla Meghalaya.
Te na ka liang ka seng hapoh ka jingialam u Babu SK Blah (President HNYF) ban bud dien ia kane hynnin ka sngi ha ka jingiadon lang ki Waheh Shnong kiba hap ruh ha ka Hynniewtrep Border Dispute Redressal Forum (HBDRF) ki la leit ban ia kynduh ia u CEM ka JHADC u ma Thombor Shiwat, na ka liang jong u CEM u la ong ba u la dep phah ia kane sha ka tnat ba dei khmih jong sorkar jylla bad u ong shuh shuh un dang iai buddien haba iadei ba kane.
Naka liang u Babu SK Blah u la ong ba kane ka jingbym ithuh da ka sorkar jylla ia kitei ki shnong kala buh jingeh ia ki paitbah kiba don ha katei ka shnong naduh ka pule puthi ka roi ka par bad ka koit ka khiah, u la bynrap ruh da kaba maham ia ki Karbi Association ne kino kino ki kynhun Karbi kiba mlien ban pynshit ban byrngem ia ki paid Khasi Pnar ki ba don hangtei. “Lada jia eiei ia ki briew jong ngi ba kine ki dei ban kynmaw ruh ba ki bun ki Karbi ba sah bad wan pule hapoh ka jylla Meghalaya”.
Na ka liang ka HNYF Jaintia Hills lyngba u Samla rangbah P. Rymbai u la ong ba kin sa bud dien ia kane ka kam daka ba leit iaka kynduh ia ki Block Development officer ha kine ki sngi ki ban sa wan, pynkut ka kyrwoh naka seng.
