Ka seng Khooid Ya Ka Wah Myntdu (KYKWM)kum kawei na ki seng ba shimkhia ban pynneh pynsah ia ka jinglongkhuid jong ka wah Shilynter bad ruh ha ka thong ban iada ia ka Wah Myntdu na ki rukom pynsniewdur ba bunjait jong u khunbynriew ha kine ki por ba mynta nalor ka jingpylong ia ka Peace Rally March ha ka 11 tarik January 2022 ka la shim ruh ban pynieng sa da ka ka nguh ka dem, ka duwai ka phirat ha ryngkat ka suit ka shor ha kaba ki riew rangbah, ki samla bad longkmie ka shnong Jwai da ka jingsngewkhia ki la mih ban pyndep ia kane ka bynta dang step phyrngap.
U ma Khroo Lamsalanki Pariat, President Sein Khood Ya Ka Wah Myntdu haba kren u la ong ba kumba ka wah Myntdu hi ka dei ka wah ba la wan da ka hukum Blei naduh kulong kumah, kum ki pateng u sngew ba ka long ruh kaba donkam ia ka seng ban ieng rangbah sa da ka nguhblei dem blei ban pynsngew pynsngap ha khmat u Syiem Pyrthat, u Ryngkaw u basa bad ha ka Sati Myntdu khnang ba kino kino ki sienjam kiba ka seng ka shim ban leh ha ka jingiadei bad ka Wah Myntdu kan long ka bor bad eh ka rngiew ka Seng baroh kawei.
Ki longkni longkpa ka shnong Jwai kiba la iashimbynta ban ai ka nguh ka dem, ka nia ka jutang, ka duwai ka phirat na ka bynta ban bit ban biang ka shnong ka thaw ki kynthup ia u Dawanpoi Passah, u Kyrshan Synnah bad u E.M.H.Passah ha ryngkat ka jingsynranlang ki dkhot ka Sein Khooid Ya Ka Wah Myntdu, ki longkmie bad ki khun samla ka shnong Jwai.
