U Myntri Sorkar jylla u Bah Paul lyngdoh u la pyllait paidbah ia ki Jersey jong ka Club ha kane ka samoi ialehkai Shillong Premiere League 2025-2026.
Ha kane ka sngi kiba la ia don ryngkat lang ki kynthup ia u Myntri Sorkar jylla u Bah Paul Lyngdoh, u MLA u Bah Banteidor lyngdoh uba dei ruh u President jong ka Shillong Sport Association ,Dorbar shnong Jaiaw Lansning, ki Seng Samla , ki player ka Langsning FC, Coach ka Langsning FC , bad ki paidbah nongshong shnong ka Jaiaw Langsning bad kumjuh u President bad Secretary ka Shillong Sports Association.
Ha kane ka sngi la ioh ban batai lyngkot shaphang ka jingiaid lynti jong ka Seng Samla Langsning da u Secretary ka Seng Samla shnong
Ka la don ruh ka jingsam ia ki tracksuit sha baroh ki player bad ki coaching staff jong ka Langsning Fc .
Haba kren ha kane ka sngi na ka liang u Myntri ka sorkar jylla u Bah Paul lyngdoh u la ong long shlur ban phohsniew , tangba ka jingphohsniew kam dei ban long kumjuh, ngi dei ban rah shakhmat ia ka thong jong ka jingphohsniew bad donkam ban buh sa ki mawnongrim ban pynshong ia kita ki jingphoh sniew.
Shuh shuh u la ong ,kaba kham khongsan eh ka dei 3 tylli kiei kiei kiba donkam, kaba nyngkong ka dei ka team work, bad kam don kano kano ka football club kaba ong ngi don ia u superstar, bad ia 10 ngut kiwei ki player ngim donkam ia ki. Kaba ar dei ban don ia ka Goal, ngi lah ban mareh sharum bad shaneng jong ka madan football , hynrei lada ym don ia ki Goal Post ngin pynsepei ia ka bor kum ki player , namar ka jingjop ka dei ba ngi thep sha Goal .Kaba lai ka dei ha ka team jong ki 11 ngut ki player uwei uwei u player u don la ka jong ka jong ka thong bad la ka jong ka Position, bad lada u nongap kol u kwah thep kol bad u player shakhmat u kwah kem bol kata hap ban pyrkhat ka jingialehkai kaba kumno.
Khatduh u la bynrap baroh kiba don hangne ka dei kawei ka team bad ngi don la i bynta ban pyndep bad nangne shakhmat ki player naduh u coach ki dei ban don ia ka jingmut ban pynrung ia kine ki 3 tylli kiba kham khongsan kum ka team ha ka jingialehkai Football.
