ka Kynhun KMST na Shillong hynne ka sngi ka 19 tarik Naitung 2025 ka la pyntip ba kan leit ban mih khmat ia ka jylla ha ka jingiakop ñiah kali ha ka 4×4, ha ka Off-Road Motorsport Rainforest Challenge ha Goa.
Haba kren bad ki nongthoh khubor U nongialam ka kynhun KMST Shillong , u bah Vicky V Kharkongor , u la pyntip ba ka kynhun ka la ap khmih mynta la10 snem, ban ioh mihkhmat na ka bynta ka jylla ban ioh ia shim bynta ha kane ka jingiakhun kaban sa long ha ka jylla Goa “
U la ong ka jylla Meghalaya ka dei ka jaka lum bad kumba ngi la iohi ha kylleng ka Ri ba ki jingia khun ha ki jingialehkai , ka lah nang kiew bad ngi don ha ki bynta kiba ngi dang sah dien. U la ong ba lyngba kane ka jingiakhun ha ka Off Road Motorsports kan long ka lad ban pyni ba ngi ruh ngi la lah ban ia khun ha ki National Level.
Ia ka kynhun la ai jingkyrshan da ka tnad Sports & Youth Affairs jong ka sorkar jylla bad ka jingkyrshan na ka tnat jngohkai pyrthei.
Ha kane ka jingleit ban ia shim bynta ka kynhun kan leit ban mih khmat da 10 ngut ki dkhot bad kin mih na Nongbah Shillong bad iaid ia ka lynti ba jngai kumba 3,000 km da ka kali shaduh Goa.
