U President ka Hynñiewtrep Intergrated Territorial Organization (HITO) haba kren bad ki lad pathai khubor mynta ka sngi ka 22 tarik Naitung 2025 halor ka jingsam bording ha Mawsynram u la iathuh ba dang shen ki kynhun sengbhalang bad ki shnong bapher bapher na Mawsynram ki la wan iakynduh ia u Myntri ka tmad Bording u AT Mondal halor ka jingsam bording ha Mawsynram.
Na ka liang ka Seng ka la lap ba ka company Fedco ka pynsah ram bad ka khlem pat siew haduh 30 klur tyngka sha ka tnad MeECL jong ka sorkar jylla, bad ka Seng ka kyntu ia u Myntri ka tnad bording ban ujor da ka ejahar halor ka jingpynsahteng kane ka company Fedco sha ka tnad MeECl, bad ka kyntu ia u myntri ka tnad bording ban shim khia bad pyniaid hi noh ha ka tnad Mecl namar ki longïing kiba ioh jingmyntoi halor ka jingioh bording ka kot sha ka 18 hajar tylli ki longïing bad ka Seng ka kyntu ia u Myntri ka tnad bording hapoh ka jingialam jong u ba kan shimti hi noh haba iadei bad ka jingsam bording ha Mawsynram namar kane ka company Fedco ka la pynsah ia ka pisa kaba 30 klur sha ka MeECl.
