Ki bor pyniaid jong ka Shillong Municipal Board (SMB) hynne ka sngi ka 23 tarik Naitung ki la pynlong ia ka jingpynkhalai nusip da ki number ia ki nongshong dukan die madan ha Parking Lot MUDA.
Ha kane ka sngi ki bor pyniaid jong ka Shillong Muncipal Board ki la pynlong ia ka Jingpynkhalai Nusip, ia ki nongdie madan ban ioh ia ki number ban shong dukan ha Parking lot Muda.
Ha shwa jong kane ka la don ka jingiania hapdeng ki ophisar ka Shillong Municipal Board bad ki seng jong ki nongdie madan halor ka jingbym hun ia kane ka rukom leh jong ka Shillong Muncipal Board, bad ka Shillong Muncipal Board ka la pyniaid beit ia kane ka Jingpynkhalai Nusip ia kiba shong dukan die madan.
Haba iakren bad ki nongthoh khubor hadien ba ki la ioh ia ki dukan ban shong ha Parking Lot Muda, ki nongshong dukan die madan ki la pynpaw ia ka jingkmen bad ki ai khublei ia ka sorkar kaba la kloi ban pyrkhat na ka bynta jong ki.
Shuh shuh ki don katto katne ki bym hun halor ka rukom ai ia kine ki dukan ha Parking Lot Muda, hynrei ha ki jingbym banse ki la shim la ka shim ban shong die ha kine ki dukan kiba ka sorkar ka la pynshna na ka bynta kiba die madan.
