Ka Executive Committee jong ka Khasi Hills Autonomous District Council (KHADC) hapoh ka jingialam jong u CEM u bah Shemborlang Rynjah, ha ryngkat bad ki EM ka KHADC mynta ka sngi ka 23 tarik u Naitung 2025 kila leit ban jurip ia ka Law Adong kaba don ha Mawpat hadien ba ka VPP Youth Wing ka la ujor sha ka KHADC.
Haba kren bad ki nongthoh khubor u CEM ka KHADC u Bah Shemborlang Rynjah u la ong, ka Executive Committee jong ka KHADC ka la wan ban jurip ban peit bniah ia ka jingkylla ha ka Law Adong kaba don ha Mawpat.
Ha kane ka jingjurip na ka liang u CEM u la pynpaw ba la lap shibun ki mawpud ki ba don hapdeng jong kane ka khlaw, ngim tip kine ki mawpud ki dei jongno bad kane ka dei ka jingjurip ha ka sien ba nyngkong la pynpaw u CEM ka KHADC.
U la bynrap ka jinglap ia kane ka jingbuh ia ki mawpud la ka dei shisha ne em kaba la iaid katkum ka aiñ bad ha kine ki kyndiat sngi ban wan ka EC jong ka KHADC kan sa shong pyrkhat bad kan sa rai ia kaei kaba kan leh.
