U ma Awhai Andrew Shullai uba dei u nongïalam ka liangpyrshah mynta ka sngi ha ka Dorbar Lyiur jong ka Jaiñtia Hills Autonomous District Council (JHADC), ula buh jingkylli haduh katno tylli ki jaka hapoh ka Council kiba dang don hapdeng ka jingïakhajia pud khlem pat lah ban pynbeit lyngba u Revenue Officer, la ioh ia ka jubab da u Dy. CEM ma L. Rymbai ba ki don haduh 611 tylli haduh mynta.
Halor kane u ma L. Rymbai ula pyntip ba ka EC kan trei shitom ban pynbeit kloi ïa kane ka kam ha kine ki sngi ban wan kaba la sahteng naduh u snem 1979. Shuh shuh u ma Shullai ula buh jingkylli halor ka rukom pyndonkam ban thew ïa ki hali bad ki patta kiba hap hapoh ka jingpeit ka Council, la jubab da u Dy. CEM ma L. Rymbai ïa ki Hali lapyndonkam lyngba ka Square Meter katba ha ki patta la record da ka HAC (Hectare, Ares & Centiare). U ong ïa kane la leh da ka Metric System ha kylleng ka pyrthei, hynrei ha u snem 1960 la leh da ka Sq. Mtr. Na ka bynta ka Hectare ka long 10,000 Sq. mtrs, ka Ares ka long 100 sq. meters bad ka Centiare ka long 1 sq. mtr.
Haba kylli la ka Council kala dep ban ai NOC na ka bynta ka kam tih mawshun naduh ka 1 tarik u April haduh mynta, la jubab ba ki NOC ba ka Council ka la dep ban ai ki don haduh 4 tylli.
