Ka kyrwoh bala phah da u ma C. Phawa. President Rangbah bad u D. Shullet General Secretary seng kmie jong ka seng Khasi Jaiñtia Youth & Student Union kila ong ba ki mynder ki ïohlad ban rung suk sha Meghalaya dei lyngba ki kam khaïi be-aiñ.
Hadien ka jingkhynra mynder kaba jur bha hapoh Assam, kumba la ïohi lyngba ki lad pathai khubor te ka sorkar Meghalaya ruh kala pynmih hukum ïa baroh ki Deputy Commissioner jong ki District bapher bapher ban peitngor ïa ka jingwan rung tuh jong kine ki mynder.
Haoid ka seng ka ai jingkyrshan bad ïaroh ïa kane ka sienjam kaba ka sorkar kala shim. Hynrei kane ka jingpyrshang jong ka sorkar Meghalaya kam don jingmut ei ei lada kam shim khia ban khanglad ïaki kam khaïi be-aiñ kiba jyllei hapoh ka jylla.
Lyngba kine ki kam shalan mar be-aiñ ki mynder ki ïohlad bha ban rung sha ka jylla jong ngi, lyngba ka jingkhaïi masi be-aiñ, jingkhaïi mawshun be-aiñ bad kiwei kiwei de ka pynsuk bad plie lad ïaki mynder, ki dkhar ban wan na Assam shapoh ka jylla namar ba bun hi kine ki mar ki wan beit na Assam, lyngba ka jylla Meghalaya pat ki pynpoi shaduh Bangladesh ïa kine ki mar lane ki masi ne kiwei kiwei de bad ynda wan phai pat na Bangladesh shane ki wan rah noh pat da ki briew (khar bangla) keiñ.
Kumta ka seng ka kyntu ïaka sorkar ban khang noh shi syndon ïa kine ki kam be-aiñ khnang ban tehlakam ïaka jingwan rung kine ki mynder, lymda kumta ka jingpyrshang jong ka sorkar halor kane ka kam ka long lehnoh ei bad tang ka jingpyndep rukom. La pynkut ka kyrwoh na ka seng.
