Ka Jaiñtia Students’ Union (JSU) Laskeiñ Block Circle, kala maham ban khang tala ïa ka SBI Raliang Branch West Jaiñtia Hills District namar ba kam don ïa u/ka Branch Manager ba pura la kumba 4 bnai ei ei mynta.
Ka seng ka la ïoh ïa kane ka jingujor na kiba bun ki nongshnong kiba hap hapoh jong ka Block Laskeiñ baroh kawei.
Kaba kham sngewsih jur ka long ïa ki briew kiba kwah ban apply ïa ka Education loan, hynrei phewse ym juh don u/ka Branch Manager ban approve ïa ka loan ka jong ki, kiba bun ki kmie ki kpa kiba mut ban apply ïa ka tei ka Loan ki la hap ban shu leit phai sha ïing da ka mynsiem duh jingkyrmen na ka bynta ka lawei jong ki khun.
Shuh shuh nalor kata ka ATM Machine ruh ka bym juh long ha kane ka thaiñ la ong ka seng.
Halor kane ka JSU Laskeiñ Block Circle kam banse ban shim noh shi syndon ïa kane ka rai ban khang tala noh ïa ka SBI Branch kaba don ha Raliang, West Jaiñtia Hills District, pynkut ka kyrwoh na u samla Dapynhun Suchiang, Publicity Secretary Laskeiñ Block Circle.
