Ka Khliehriat Town Committee la ong ba la bun snem mynta kam shym la treikam kumba ka dei ban long bad halor kane ka jingbymtreikam ka Khliehriat Town Committee, u E.M ka Jaintia Hills Autonomous District Council (JHADC) uba dei peit iaka Town Committee ma Medling M. Swer un hiar sha Khliehriat ha kane ka 30 tarik July 2025 bad ha ka por 11:00 AM yn pynlong ia ka jingialang ha Community Hall Khliehriat East ban ia kren sani bha ia kane ka kam Town Committee kaba ym shym la treikam la bun snem mynta.
Ha kane ka jingialang yn iatai sani bha bad yn sngap ruh ia ka sur jong ki Paidbah la yn dang pyntreikam ia ka na ka bynta ka jingmyntoi ki paidbah ha ka liang ka khuid ka jngiar lane ban pynduhnoh ia ka, ka shong ha ki paidbah nongshong shnong jong ki san shnong kiba kynthup ia ka Khliehriat East, Khliehriat West, Ladsutnga, Iawpyngkat bad kaba kynthup bad ka shnong Deinchynrum. Ia kane yn dang ia ap satang ia ka rai jong ki paidbah ong.
