ka Hynniewtrep Youth Council (HYC) South West Khasi Hills District hapoh ka jingialam u President jong ka u samla Pynskhem Kharjahrin uba dei ruh ha kajuh kapor u Nongïasaid Aiñ bad u General Secretary u samla u samla Wallam Nongsiej hynnin ka sngi ka 28 tarik u Naitung 2025 ki la leit ban ïa kynduh ïa u Superintendent of Police u Bah B.Jyrwa ban buddien ha kaba ïadei bad ki artylli ki jingjia thombor ïa ki khynnah hapoh ka Distrik, kawei kadei jingshah leh be-ijot kawei ka khynnah 13 snem ha u panah uba dei u bar jylla bad kawei pat kadei halor ka jingshah leh be-ijot bad shah pynïap kawei ka khynnah 12 snem kaba la leh da ki arngut ki nongshah suba kata u Modu Sangma bad u Ratan Das.
Ka seng ha kane ka jingïakynduh bad u SP ka ioh jingtip ba ki pulit jong ka SWKHD ki la shim khia ha kaba ïadei bad kine ki ar tylli ki jingjia bad ka seng la kyntu ïa u SP ban pynkloi ka Charge Sheet pyrshah ïa kine ki nongleh kam sniew bad ban pynthikna ruh ba kin ngat ha ka jingpynsaja kaba tyngeh jong ka aiñ.
Ha kaba iadei bad kine ki jingjia, ia ki nongleh kam sniew la dep ban kem noh bad la pynngat ïa ki ha ki kyndon aiñ bapher bapher jong ka POCSO Act.
