Ka District Mission Coordinator, SSA West Jaiñtia Hills shi bynta na ka thong jong ka ‘Ek Ped Ma Ke Nam’ lane ka Tree Plantation Drive 2025, ba la bthah da ka Ministry of Education jong ka sorkar India, naduh ka 5 tarik Jylliew haduh u bnai Nailar kata baroh ki skul hapoh ka District kin hap ban ïashim bynta lang na ka bynta ban thung ïa ki tynrai dieng.
Ka jingthmu jong kane ka prokram ka long shi bynta ban pynsngewthuh ïa ki khynnah skul ban kin don ka jingburom bad ka jingkitkhlieh halor ka jinglong kyrpang jong ka mei mariang bad ki sawdong sawkun jong ka.
Naka liang ka ophis treikam jong ka District Mission Coordinator SSA, West Jaiñtia kala pynlong ïa kane ka prokram thung dieng ha ki skul, da ka jingïatreilang bad ka ophis u District Forest Officer (Social Forestry), Jowai Division, West Jaiñtia Hills. Ha kine taïew jong u bnai Naitung ki skul kiba la ïoh ban pyndep ïa kane ka prokram thung dieng ‘Ek Ped Ma Ke Nam’ lane ka Tree Plantation Drive 2025 ryngkat ka thad Forest Department, Social Forestry, Jowai Division, West Jaiñtia Hills ki kynthup ïa ka Dulong Upper Primary School, SSA, Panaliar SSA UPS, Muphlang Govt. LPS, Dong Nongpluh LPS SSA, Mustem, Umchangiar LPS SSA, Mustem, Mustem East Govt. LPS, Iongnoh UPS SSA, Iongnoh Presbyterian LPS & UPS SSA bad ka Moobyrni LPS SSA.
