Ka Hynniewtrep Integrated Territorial Organization (HITO), Jowai Circle, hadien bala ioh ka jingujor na ki nongleit nongwan lyngba u surok sha shnong Chyrmang, hapoh ka jingialam u Deibormi Siangbood General Secretary HITO Jowai Circle, mynta ka sngi 29.07.2025 kila ia kynduh ia u Executive Engineer ka (PWD) South Division Jowai, ban kyntu na ka bynta ban pyntrei kloi noh ia ka jingker iada ne ka WM Steel Crash Barrier, khnang ba kan iada ia ki nongleit nongwan lyngba u surok Jowai sha shnong Chyrmang, khamtam ia ki nongwan jngohkai (Tourist) kiba wan na ki wei pat ki jaka jong ka ri.
U GS ka HITO Jowai Circle, ula kyrpad ruh ia u local MLA ka Jowai khamtam ruh ia u Deputy Chief Minister u ma Sniawbhalang Dhar, ba un pyntrei kam kloi na ka bynta kito ki briew jong ka shnong kiba pyndonkam ia utei u surok, khnang ba kin lait na kine ki jingeh ha ka leit kawan jong ki.
