U MLA ka Congress na Mylliem Constituency u Bah Roonie V Lyngdoh mynta ka sngi ka 30 tarik Naitung u la mih noh na ka Seng Congress bad u la leit pyniasoh sha ka Seng National People Party (NPP).
U Bah Roonie V lyngdoh u la leit ai ia ka shithi ïehnoh kam kum u dkhot jong ka Congress ha u Lamphang ka Ïing dorbar u Thomas Sangma, ha ryngkat ka jingsynran lang u Ma Sniawbhalang Dhar, u Bah Hamletson Dohling, ha ryngkat ki nongkyrshan jong u.
U Bah Roonie V Lyngdoh u la jop ia shuki MLA na ka Congress ha u snem 2008 , 2013 bad ha Snem 2023.
Ka Congress ha ka Elekshon 2023 ka la jop 5 ngut kata u Bah Gabriel Wahlang na Nongstoin, Roonie V lyngdoh na Mylliem, Charles Marngar na Mawhati , Dr Calestine Lyngdoh na Umsning, bad u Saleng A Sangma na Gambegre.
Hadien kane 3 ngut ki MLA ka Congress ki la leit iasoh noh sha ka Seng NPP kata u Bah Gabriel Wahlang, Dr Calestine Lyngdoh, bad u Charles Marngar, u MLA ka Gambegre u Saleng A Sangma u la iehnoh ia ka jinglong MLA hadien ba u la jop ia ka Shuki MP na Tura bad sah sa tang u Bah Roonie V Lyngdoh marwei kum u MLA Congress.
U Bah Roonie V Lyngdoh mynta ka sngi u la leit iasoh noh bad ka NPP bad ka Congress mynta ka la thylli khlem don shuh re wat uwei u MLA jong kane ka Party hadien ba Bah Roonie V lyngdoh u la leit pyniasoh noh sha ka NPP.
