U Lamphang ka Ïingdorbar Thawaiñ ka jylla u Thomas A Sangma, ha ka 30 tarik Nailar 2025, u la pdiang ïa ka shithi ïehnoh u Bah Ronnie V Lyngdoh kum u Chief Whip ka Liang Synshar ia kane la pyntip da u Lamphang ka ïing dorbar thawaiñ ka jylla u Thomas A Sangma.
U Lamphang ka Ïingdorbar thawaiñ u la pdiang ia ka jingpyniasoh u Bah Ronnie V Lyngdoh sha ka NPP bad u la pyntip u Bah Ronnie V Lyngdoh u la dei u dkhot ka NPP.
U Bah Ronnie V Lyngdoh u la aiti ruh ia ka shithi pyniasoh sha ka NPP.
Nalor kata, la pyntip ba u Bah Ronnie V Lyngdoh u la weng noh da kaba pynbna paidbah ïa ka PIL kaba u la mudui hakhmat ka ïingbishar ba donburom jong ka jylla Meghalaya, haba iadei bad ka jingpynduh kam ia lai ngut ki nongthaw aiñ— u Dr. Celestine Lyngdoh, u Charles Marngar, bad u Bah Gabriel Wahlang—hapoh ka ain pyrshah ia ka jingphet seng.
“Ha ka shithi u bah Ronnie V Lyngdoh u la pynpaw ruh ba um kwah shuh ban buddien ïa ka PIL, bad ïa ka jingpyntip kaba donkam sha ka Ïingkashari ba donburom yn sa leh da ki nongïasaid aiñ.
Haba jubab ia ki jingkylli shaphang ki jingktah ha ka aiñ ne ki jingpyrshah kiba lah ban mih.
U lamphang ka ïing dorbar u la bynrap “ba u la shim ia ka rai katkum ka aiñ, bad lada mih kino kino ki jingeh ha ka liang ka aiñ, ka shong ha ka Ïingkashari ban rai. Kumba long mynta u Bah Ronnie V Lyndoh u la dei u dkhot ka NPP.
Bad ka Congress mynta kam don MLA shuh ha ïing dorbar thawaiñ ka jylla.
