Mynta ka sngi ka ophis jong ka KVK Jaintia Hills, Moopun, Wahiajer, West Jaintia Hills ryngkat ka jingiadonlang ki nongrep jong ka thaiñ, kala pynlong ia ka jingpyni paidbah lyngba ka Webcast ia ka prokram jong u Prime Minister ka ri u Narendra Modi halor ka jingpyllait ia ka instalment ba 20th jong ka skhim PM Kissan.
La sdang ia ka prokram da ka jingkren pdiang jong ka kong L.L. Challam kaba dei ka Senior Scientist and Head. Ha ka jingkren kala kong Challam kala batai shaphang ka jingthmu bad ki jingmyntoi ba lah ban ioh lyngba kane ka PM Kissan Scheme.
Ka la don ruh ka jingpynsngew lyngba ki nongrep kila ioh jingmyntoi na kane ka skim. La pyni ruh ia ka phlim (Documentary) kaba pyni ia ka jingioh jingmyntoi jong ki nongrep na kane ka PM Kissan Scheme.
Ha shwa jong kane ka prokram kala don jingpynsngewthuh sha ki nongrep shaphang ki jingdonkam kumno ban ioh ia kane ka PM Kissan Scheme.
Ki nongrep kiba la poi sha kane ka prokram kila ioh jingmyntoi lyngba ki jinghikai kiba la pynioh ha ki ha ki rukom rep jhur, ka rukom ri jingri bad ka rukom ri dohkha ha ki hali pynthor jong ki.
Nalor kane la sam ruh ia ki kot lyngkdop sha ki nongrep kiba ai jingbatai shaphang ka rukom rep, ka jingpynneh pynsah ia ki mar rep bad ka rukom thung jingthung da ki sboh mariang (organic). La pynkut ia ka prokram da ki kyntien ai khublei lyngba ka Senior Scientist and Head.
