Ka Seng Hynniewtrep National Youth Movement (HNYM) ha ka 4 tarik u bnai Nailar 2025 ka la wan ban buh da ka jingthoh ha ka Office u Deputy Commissioner ka West Jaiñtia Hills District halor ka phang ban buh noh da ka Check Point ha ka Shnong Saphai West Jaintia Hills District.
Kane ka jingwan buh jong ka Seng ïa ka dorkhas ka dei halor ka jingwan buhai shnong bad ka wan tur jubor jong ki kiwei ki bar jylla shapoh ka jylla Meghalaya khamtam eh ha kine ki sngi ha kaba ka Sorkar Assam ka la kyndang naphang ïa kiwei ki bar jylla kiba shong bad sah be aiñ ha ki jaka jong ka.
Na ka liang ka seng HNYM ka la buh por tang hapoh 10 sngi ïa ki bor pynïaid District ban buh ïa kine ki check point bad lada ki bor ba pynïaid kim lah ban leh ïa kane ka jingdawa na ka liang ka Seng HNYM kan sa leh ïa kaba donkam.
