Ka kynhun jong ka State Disaster Response Force (SDRF) mynta ka step kila ioh tam ia kawei ka met iap jong u rangbah briew na ka wah Umshing ha khrum jong ka jingkieng kaba pyniasoh ia ka Mawlai-Maiong Byepass kaba don ha ki thaiñ ka Mawlai Umshing.
Ia kane ka kynhun ki SDRF la lamkhmat da u Inspector Romario B Marak bad kila poi ha katei ka jaka ba jia ha ka por 9:15 AM bad ha ka jingwad ia kane ka met iap tang hapoh 15 minit kila ioh ban sei noh ia ka napoh um.
Hadien ba na ka liang jong ka SDRF kala dep ban leh ia ka bynta kala aiti noh ia kane ka met iap utei u rangbah briew sha ki Pulit ban leh ia kaba donkam.
Kane ka long katkum ka jingpyllait khubor na u bah PH Shylla, Senior Staff Officer & Addl. PRO, Directorate of Civil Defence & Home Guards Meghalaya, Shillong.
