Ka Lata Mangeshkar, 92 snem ka rta kaba long kawei na ki nongrwai ba paw bha jong ka ri India kaba la ju ioh ruh ia ka khusnam Bharat Ratna ka la don mynta hapdeng ka jingshitom kaba jur bad ka don mynta ha Mumbai’s Breach Candy Hospital.
Katkum ki tyllong khubor la iathuh ba kane ka Nongrwai ba paw kala don ia ka jingpang pneumonia ryngkat u khiang jingpang Covid-19. Ia ka Lata la buh mynta hapoh ICU ha kaba ki Doktor ki tbit kila shimkhia ban sumar ia ka. Na ka liang jong ki Doktor kila ong ba ka dang shimpor bha ia Lata Mageshkar ban ioh bor.
Ka Lata ka la test Positive ha ka sngi ba-ar 11 tarik mynta u bnai ha dien ba kala ia kynduh bad kawei na ki nongtrei ïing jong ka ba don ia kane ka jingpang Covid-19.