Kum shi bynta ban noh synniang sha ka imlang ka sahlang khamtam ia ki paitbah jong ka dong ka thaiñ ban iarap ia kiba pang ba shitom bad ia ki long ïing kiba duna ka ioh ka kot, kiba bym kot bor ban leit phah sumar ha ki specialists Doctor sha kiwei ki jaka, ha ka 6 tarik u bnai Nailar 2025 ka Seng HNYF Western Zone, Ribhoi District ha ryngkat bad ka jingia treilang bad ka ARHI hospital ka la ioh ban pynlong ia ka free medical health camp ha Patharkhmah CHC bad kumba 250 tam ei ei ki paitbah ki la ioh jingmyntoi lyngba kane ka free medical health camp.
La wan ban sakhi ia kane ka program da u Sordar jong ka shnong Patharkhmah u Bah L.Petalman Thangkhiew, u President ka PYC & SWO samla Remington Syngkli bad i Doctor In charge Patharkhmah CHC Dr. K. Lyngdoh.
Na ka liang ka Seng HNYF lyngba u President samla u Pynkhraw Makri bad u Secretary Samla Teibor Thongni ki la ai khublei kyrpang ia u Bah AL Hek uba dei ruh u nongpeit nongkhmih ia katei ka Hospital bad ruh ki la ai khublei kyrpang ia i Bah Aiban Director jong ka ARHI Hospital bad ki staff bad ruh ia ka Patharkhmah CHC bad ki staff bad ruh ia i DM&HO iba la shah sngewbha ban pynlong ia kane ka program ha kane ka CHC.
Na ka liang ka seng ka la kyrpad ruh ia ka ARHI hospital ba kan buh ia ka Diagnostic centre ha kane ka dong ka thaiñ ba kan long ka jingmyntoi ia uba bun ba lang.
Na ka liang u President ka seng ula pynpaw ruh ia ki jingeh kiba mad ki nongpang ban hap leh ia ki test bapher bapher kin hap ban leit shaduh Nongpoh, Shillong bad wat shaduh sha Guwahati ruh.
