Ka Seng Kur Dkhar EJHDU ha ka 7 tarik u bnai nailar 2025 ka la ïoh biang ban buddien sa ïa uwei u khar Nepali uba kam ïalade ba u dei na ka kur Dkhar. Haba ïoh ban buh ïa ki jingkylli ba naduh mynno la pynkylla īa kane ka Kur ka jong u sha ka Kur Dkhar u la ïathuh ba la pynkylla ïa kane ka kur naduh u snem 1987.
U la ïathuh ruh ba kyrteng trai ka jong u ha ki por mynshwa ka long u Kicy Chettri bad la pynkylla pat ia kane ka kyrteng trai ka jong u sha u Kicy Dkhar naduh ka por jong U Waheh Shnong ka Shnong Mukhaïalong u (Late) Sharak Pdeiñ bad u (Late) Shal Kyndait.
Ha ka jing iakren bad u khun jong une khar Nepali uba dei ruh u khun nah u ong ba na liang ka jong u, um tip eiei namar ba ha ka por ba une u dakhar u wan ban poi ia shongkha ha ka ïing ka jong ki u ong ba ka rta ka jong u ka long kaba dang rit bad um lah ban kynmaw shuh. Hynrei tad ynda u lah kham Rangbah u la sdang ban sngewthuh ba kane ka ai kur jong u Panah ka jong u ka long kaba bakla bad ym lah ban leh ei ei namar ba ki Waheh lane ki riew rangbah kila mynjur ïa kane naduh ki por ba mynshwa.
Na ka liang u President ka Seng Kur Dkhar EJHDU u Bah Shaniah Skem Dkhar u la maham tyngeh ba nangne sha khmat ïa kiba thmu ban pynkylla ïa ka kur ka jong ki sha ka Kur Dkhar, hynrei ïa kiba lah dep ban pynkylla pat ka kur kam shong kli kti bad kan ïai buddien halor kane ka bynta.
Shuh shuh u Bah Shaniah u la maham tyngeh ba lada ka aiñ kam shim la leh ïa kaba donkam na ka liang ka seng Kur Dkhar kam ban se ban shim pat da kiwei ki lad ki lynti ha ka jingïadei bad kane ka jingai kur sha kiwei pat.
