Ka seng HITO West Jaiñtia Hills District ryngkat bad ka HITO Jowai Circle ha ka 6/8/25 kila ia kynduh ia u CEM ka JHADC ban pan jingshai halor ka MoU ba la iasoi hapdeng ka Earth Tree bad ka JHADC, ha kaba na ka liang u CEM ka Council ula pynshai ba ka Council ym dei ba kan ai ia ki jaka jong ki riew shimet lane ki private land owner, hynrei kane ka company ka lah ban ai tang ia ki government land kiba kynthup iaki District Council bad ki state forest.
U la ong ruh ba ia kane ka company la ithuh daka sorkar India kumta ula ong ruh katkum ka agreement bala dep iasoi ruh ka long ka ba biang hadien bala dep rai da ka EC jong ka Council, ula pynshai ruh ba kane ka scheme bala ai daka Earth Tree ka long kum ka jingpyrshang (trial) hapoh ki snem ba ki ladep soi iaka agreement, hadien nangta pat lada ka long kaba tikna ka council kan ai kylla pat iaki riew shimet hapoh ka jingpyniaid jong ka ia kane ka scheme.
U Hame S. Rymbai uba dei ruh u Seneral Secretary ka seng HITO West Jaiñtia ula pan copy haka jingiadei bad kane ka agreement, kumta u CEM ruh ula monjur ban ai khnang ba ka seng kan tip bniah shaphang kane ka scheme bad u paidbah ruh un lait na ka jingshong syier ha ka jingiadei bad ka khyndew ka shyiap la jong.
