Ka Umsning People Front (UPF)bad ka Condfideration of Ri bhoi People (CORP) hynne ka sngi ka 7 tarik Nailar 2025 ka la wan iakynduh ia u Myntri ka tnad Bording u AT Mondal halor ka jingjur ka jingpynlip light ha ki thain Umsning.
Haba kren bad ki nongthoh khubor u Chairman ka kynhun Umsning People Front u Dr David lyngdoh u la pynpaw ba ka jingwan kynduh ia u Myntri ka tnad bording ka dei halor ka jinglip light kab jur ha ki thain Umsning bad ha Ri bhoi District.
Shuh shuh u la pyntip ba kane ka jingpynlip light khah khah ka dei beit ka jingduna nongtrei jong ka Mecl bad ka Mepcl bad ki jaka kiba shah ktah bun dei kum ha ki thain Jyntru, Kyrdemkulai , bad Umsning.
Na ka liang u Working President ka CORP u P Marsing u la pyntip ba ka seng ka la wan lang bad ka kynhun jong ka UPF halor ka jinglip light ha ki thain Ri Bhoi, bad kum ka seng ka don ia ka jingsngewkhia kaba jur, bad ka seng ka ai jingkyrshan ia ka UPF ban kynduh markhmat ia u Myntri ka tnad bording ban pynsngew sha u halor ka jingkynduh jingeh ki paidbah ka thain Ri bhoi halor ka jinglip light.
Na ka liang u Myntri ka tnad bording u la pyntip sha kine ki kynhun ba un shimkhia katba lah halor ka jingkynduh jingeh ki paidbah haba iadei bad ka jinglip bording khah khah ha ri bhoi bad un sa buh noh da ki tower ban tip ha kino ki jaka ki ba shah ktah jur ha ka jinglip light.
