Ka District Water Sanitation Mission Jal Jeevan Mission PHED, Mawkyrwat Division ryngkat ka jingïatreilang bad ka Swatch Bharat Mission lem bad ka Meghalaya State Rural Livelihood Society, South West Khasi Hills District ha ka 8 tarik u Nailar 2025 ki la ioh ban sdang ia ka Campaign hapoh ka distrik kata ka Har Ghar Tiranga bad ka Har Ghar Swachhta Campaign kaba yn sdang naduh ka 8 tarik u Nailar haduh ka 15 tarik u Nailar 2025.
Ka jingthmu jong kane ka campaign ka long ban ai jinghikai ia ki nongshong shnong ba kin shim ia ka jingkitkhlieh ha man la ki ïing ki sem ba kidei ban lehkhuid.
Ha kane ka sngi u Bah I. Lawriniang, BDO Mawkyrwat Block u la long u kongsan ha ryngkat ka jingdonlang u Bah K. Nongbsaw , EE PHE Mawkyrwat Division, Bah I. Kharbudon, SDO PHE Mawkyrwat Sub division, Bah E. Rymmai, DMM, MSRLS, Bah S , Shangbai District Coordinator SBM, Bah S .R. Wahlang, DPM, JJM, PHED Mawkyrwat Division, ki Nongialam shnong, Nongialam VWSC, VO, ki SHG bad kiwei kiwei.
