Ki pulit ka SWKHD ha ryngkat ki BSF ha ka 9 tarik u Nailar 2025 ki la ïoh ban kem sa saw ki runar Bangladesh bad ki dang kthong ban ïoh kem sa ia kiwei pat ki saw ngut kiba dang lait phet.
Kum ban shu kdew ki runar kieng atiar na Bangladesh ha ka miet shiteng synia jong ka 8 tarik mynstep u Nailar 2025 ha ka por kumba 1 baje eiei ki la thombor ia kawei ïing bad ki la pynap pistol bad shoh bad bom ia u Balsrang A Sangma ha ka shnong Rongdangai SWKHD.
Ha ka sngi kaba bud ka 9 tarik ha ka por kumba 2:15 eiei mynstep, ki pulit ki la ïoh jingtip na ki paidbah ba ki don ki riew sniew kiba kieng atiar (kiba la suba ba ki dei ki nong Bangladesh) hajan ka shnong Khonjoy. Mar ïa ioh jingtip, ki pulit wut wut ki la leit sha katei ka jaka bad hapoh ka jingïalam u OC ki la bthah ia kine ki runar ban sangeh bad ki la siat 2 kuli sha suiñ hynrei ki runar kim shym la sangeh bad ki la phet krad noh shapoh kawei ka khlaw.
Ha kaba ïadei bad kane jingjia ki paidbah ka shnong Khonjoy – B ki la ïoh ban kem noh ïa uwei u runar Bangladesh bad la īoh ban kurup ruh ïa ki tiar ki tar pynmynsaw kynthup ïa ka ID kaba dei jong u pulit na Bangladesh.
Haduh mynta ki pulit ryngkat ki BSF ki dang pynlong ka jingthwet ban ïoh kem sa ïa kine ki saw ngut kiba dang lait phet.
